Bookd • Al-Nassr 2-1 Al Taawon

Al-Nassr2 - 1Al Taawon

Full Time

Saudi Pro League · MD4 · Aug 28, 2026

yyt⋆˚꩜｡@lawwys

☆☆☆☆☆★★★★★Aug 30

مباراة متعبة جدا وهذا طبيعي يومين فقط فرق بينها وبين مباراة الاتفاق اللاعبين ما قدروا يرتاحون بشكل كافي لذلك اليوم تشوف الفريق كامل منهلك وتعبان ذي جواو اللي ابدا ما كان مركز اليوم وانجيلو اللي اغلب تمريراته غلط كريس اللي ما كان موجود اصلا وما ظهر الا في لقطةالهدف، كومان كمان كان خارج نطاق التغطيه تمام من بداية الموسم تقريبا وهو كل مباراة يصير اسوء. بس في وسط السلبيات هذي كلها يخرجون من وسط هاله من النور خط الدفاع بالإضافة اللي وماني اقسم بمن احل القسم انهم اليوم كانو الإضافة فعليا لولا الله ثم ماني ما كان قدرنا نرجع لأن في عز اختفاء اغلب خط الوسط والدفاع هو كان موجود هو كان يحاول يمر يسدد يصنع ماني دائم هو رهاني الأول والأخير ومباراة اليوم تفسر منجد ليش الموسم الماضي ما خسرنا في حضوره ولا مباراة بالإضافة اللي خط الدفاع اليوم كان من أفضل ما يكون لولا الله ثم هم يا اننا كنا بنلقم كمية الهجمات اللي كانت موجوده ضدنا كمية مهولة وكانوا يدروا يوصلون ولكن دائم في آخر لحظة الدفاع كان يتدخل والكورة ما كانت توصل للحارس وعلى طاري العقيدي الصدق انا مؤمنة انو ما ينفع احكم على لاعب في أول مباراة له في الموسم بس اقدر انتقده على اختفائه طول الموسم من يوم ما استبعده خيسوس وهو كل يوم عنده حجه لعدم وجوده على الدكه وبمجرد طرد بينتو سبحان الله فجاءة صار جاهز؟؟ مباراة سيئه وجيدة في نفس الوقت

Player of the match

Sadio Mané

Al-Nassr

Rahaf@raw

☆☆☆☆☆★★★★★Aug 28

مباراة ماكانت سهلة أبدًا على النصر، خلال اسبوعين النصر لعب 5 مباريات، ضغط واختبار صعب للفريق الحمدلله انتهت كلها بفوز النصر وهذا المطلوب الفورمة الخيالية اللي يمر فيها العمري بمثابة صفقة جديدة لنا، ماشاء الله تبارك الله اليوم عبدالاله حرفيا كان بكل مكان والله اننا محظوظين فيه ابن النادي كوستا اليوم احد نجوم المباراة قدم مباراة كبيرة وتاثيره كان واضح وبالنسبة لي هو رجل المباراة، الجمهور النصراوي مستعجل بالحكم عليه اللاعب ماعسكر مع الفريق ومالعب الا ثلاث مباريات اساسي اصبروا عليه جواو، ماني، بوشل أهم ركائز الفريق استمرارية رهيبة بالمستوى عندنا اسبوع يريح فيه الفريق قبل مواجهة الاتحاد وباذن الله نستمر بسلسلة الانتصارات، وصدااارة بس 💛💙