ريمونتادا تاريخية بـ 10 لاعبين 😧💛! مستحييل اصدق السيناريو! انفك النحس عن النصر؟؟؟ انتوا مستوعبيين فزنا على الاتفاق بالشرقية بعد ماتاخرنا بهدفين وبعشر لاعبين ونلعب بالحارس الرابع؟؟؟؟؟ ياعاااالم شخصية البطل تحضر من جديييد النصر لا يستسلم النصر لا تضمن خسارته الا بعد مايصفر الحكم النصر يثبت للجميييع انه باق ومازال على قيد الحياة. مباراة مستحييل انساها ولو فزنا بالدوري باذن الله بنتذكر هالمباراة! مستوى الفريق بالشوط الاول كان باهت، خوف وارتباك واخطاء من جميع اللاعبين والخطأ الأبرز من بينتو اللي بسببه اضطرينا نلعب بالحارس الاحتياطي الرابع اللي يلعب مع فريق النصر تحت 21 سنة لأن حراسنا الاحتياطيين الثاني والثالث مصابين، نسبة حدوث هالشي مع اي فريق بالعالم نادر! بينتو بقراره الغبي بيغيب عن المباراة الجاية ضد التعاون وللان ماندري مين بيكون البديل تبديل انج لانجيلو بعد طرد بينتو كان غير موفق بنظري المفروض طلع رونالدو، لكن الحمدلله انه تدارك الوضع بالشوط الثاني واتخذ القرارات الصحيحة بالتبديل اللي غيرت من شكل النصر وساهمت بالفوز ريمونتادا ابطالها ماني وجواو .. كالعادة في كل مرة تضيق على النصر يظهر جواو وينقذ الفريق، روح قتالية وجودة عالية واستمرارية عظيمة بالمستوى من وقعنا مع جواو وهو الحل الدائم للنصر لاعب خلص كلامي فيه والله. ماني اكثر لاعب ماتجيه الاشادة اللي يستحقها من الجمهور في كل مرة نحتاج ماني يكون موجود لاعب اذا غاب نقصه يبين على الفريق وشفناها الموسم الماضي. هدف العمري اعاد النصر للمباراة واسيست جميل من النجعي، ابناء النادي للأبد لهم مكانة خاصة بقلبي 💛 الصراحة في لقطة تفشل شفتها لرونالدو وهو معصب من الحارس اللي عمره 18 عشان ماتصدى للهدف 😂 كيف انت كقائد للفريق تسوي ذي الحركة قدام الكاميرات ماتستحي من نفسك وعمرك؟ عييب والله زعلتني اللقطة. اي احد يلوم الحارس غبي جدا الحارس لا يلام ابدا انحط بموقف سيء بسبب غباء الحارس الاساسي القائد الحقيقي بالملعب جواو بعد الفوز توجه للحارس ويقوله الفوز لك، احترااام لفيليكس 💛 حيرة جدا باختيار رجل المباراة بين ماني وجواو، لكن اختياري بيروح لماني ماقصر اليوم احبببك احببك يانصر 💛💛💛💛💛💛💛