Bookd • Al-Nassr 0-1 Gamba Osaka

Al-Nassr0 - 1Gamba Osaka

Full Time

AFC Champions League Two · F · May 16, 2026

Lama@theone

May 16

مباراة هاربة من كارثة كاواساكي! لا جديد من تخاذل رونالدو في اوقات الحسم،في اوقات النهائيات، في المباريات المهمة وحتى البقية. نوو كومنت على الناصر ولا حتى على الغنام فقط استفهامات كثيرة ! حالة غريبة في اللاعبين انا ما ادري ايش سببها. غير مقبولة الخسارة ولكن تبلدنا والله العظيم وصرنا نتوقع اي شيء مع هذا النادي ولاعبيه، الآن زاد الخوف بصراحة من المباراة القادمة الي بتحسم كل شيء ، وش راح نشوف سيناريو جديد؟ ما اقول الا الله يستر، انا ماعاد اتحمل

20@championsstateofmind

May 16 (edited)

ألا يالله مداخيل الفرح بابها صوبنا مردود يا كم وقعة حاصلة في الحياة ما فهمناها يصيب العنا واحد داخلة ضايع ومجرود ظروف حاصلة في الزمن والله ما شرطناها على صادق الخير ترا دايما نبذل المجهود نسوق الطواري كل ابوها من اولها ليا اتلاها ذبحني من الضيقة سيفي القايم المحدود قضت نفسي على نفسي بضرب يمناها بقى خاطري منهك وتايه ومبلي ومضهود وغدت نفسي تذوق العنا بواقع اليوم معناها فلاني مدلل في الحياة ولاني بآخر العنقود ولا الحاجة اللي تبيها النفس هاليوم تلقاها وأنا داخلي ميت الليلة وقلبي عليه قيود وضيق سكن في داخل عروقي وقام يملاها رميت أحلامي الكبرى كلتها صغار الدود سكنت بداخل التعاسة رضيت بحكم مجراها فلا ودي بشاهد على دمعي ولا ودي بمشهود كتمت الضيقة بصدري ولا ودي حد يقراها رفعت ايديني الثنتين رجيت الواحد المعبود عسى نفسي تترك سيرة الضيقة الليلة وتنساها

1knvv@1knvv

☆☆☆☆☆★★★★★May 16 (edited)

حاضرها طبعًا، وكان عندي شعور سيء من قبل المباراة انها بتصير مباراة سيئة وترفع الضغط نظرًا لصدمة الديربي ونظرًا للغيابات و الخوف من الغيابات، تجعل المباراة صعبة من قبل تنلعب أصلًا. لكن، لُعبت المباراة، رغم سوء البدلاء -الناصر- و الشتات اللي كان بالبداية، إلا اننا أخطر وأقرب للتسجيل لولا رعونة المهاجم اللي ماخذ النصر ومحطة النصر "معسكر" و محطة لتحقيق أرقام شخصية. ٨٠ دقيقة كنا من نقرّب، الكورة توصل له وتضيع. و بدون ضغط عكسي على الحارس وبدون أي تهديد واقعي. بل حتى الكرات الثابتة الخطيرة إلا وأن يلعبها علمًا وأن غريب سجل فاول واحد من أصل فاول واحد بمعدل ١٠٠٪؜ لكن تأبى أن تلعبها بوجود ملك المعسكر. إلى أن دخل الحمدان و تشكّلت خطورة كبيرة، إنفراده من جواو بعد كرة بالكعب من الحمدان. و كرة بالقائم من جواو. لكن ربّك ماكتب أخشى أن هذه المباراة تؤثر علينا في مباراة ختام الدوري يوم الخميس لكن لعلّ بالأمر خيرة. طفح الكيل من ٧، بالذات يوم عرفت انه ما حضر تتويج الفضيّة، هذه ليست تصرفات "قائد" الله يعوّضنا خير. يالنصراوية المحبّين للنادي، لا من يدّعي نصراويّته ويبدّي مصالح لاعبه على مصالح النادي