يخربيت التوهان وعدم النظام والتمركز السيء وكمية الفرص اللي ضاعت بسبب الفلح والفزلكة. حسام حسن عامةً لو اشتغل طباخ هيفلح فيها اكتر من التدريب بجد حسام وإبراهيم لا يحتملوا والحل الوحيد انه يتشال قبل بطولة افريقيا علشان الموضوع مش مبشر خالص. بتاع حوارات أوي يعني. واللعيبة اللي قدام مفيش حد عارف يعمل شوطة عدلة هو لازم يعني المدافعين يطلعوا قدام يشوطوا هما ايه وجع القلب ده حد يبقى يتف ف وشي لو عدينا دور مجموعات افريقيا للأسف هضطر اقول شوبير صفر. ربنا يهديك يا شوبير. حسام صفر. لعيب من حديد بس ركبه مش حديد خالص دي بتقلش. رامي مكانش احسن حاجة بس حاول وتعب اديله ٦/١٠. هاني كويس بس هو لازم يعني الشويتين الحمصي اللي كانوا ف الاخر دول يعني؟ كريم حافظ ٨/١٠. مهند ومروان صفر. إمام ياخد ٥ مش حاساه عمل أوي. زيكو صفر. مرموش صفر. ابراهيم عادل صفر. حمزة جاب من الاخر معرفش ليه يقعد دكة ونجم توتنهام الهابط هو اللي يلعب ده لما نزل شاط عالجون كذا مرة وبيكسب التلاحمات وعامل شغل باقي اللعيبة مش عارفة تعمله بقالها ٦٠ دقيقة. زيزو كان احسن من مرموش عامةً. وبعدين فين عمر فايد؟؟؟؟ فين بجد؟ موسيماني بيلاعبك بالاحتياطي وولا واحد فيهم بيلعب حتى في صنداونز يا اخي عيب بجد كل ما يمكنني أن أقول هو أنني حقا اعترض مش بحب اكون متشائمة وسريعة الحكم من ماتشين بس لكن دي مش حاجة تليق بمنتخب كان من الاحصنة السوداء في كاس العالم انا ضغطي علي بجد مش مصدقة اللي كنت بتفرج عليه ده اجلطني يا مرموش اجلطني يا ابو صلاح فينك